تدري وش اللي يجرح القلب جرحين

تدري وش اللي يجرح القلب جرحين

تدري وش اللي يجرح القلب جرحين***ويمد حبـل الحـزن فيـك ويشـدة

انك تنـــــاظر طفل مـن غيـر ابويــن***يمشي ودمعـة سايـل فـوق خـدة

منظر صعيب ويقسم القلـب قسميـن ***لا قـام يمسـح دمعـة بكـف يـدة

يمشي ولا يدري طريقة علـى ويـن***لين التعب من كثـر مـا تـاه هـدة

اثــقل حـروف يشيلهـا فيـة حرفيـن***.لا أب يــــــدريـبـة ولا أم تـــردة

في خطوته رحلـة ودمعـة وسكيـن ***.وحـظ توسـد بالمراسـي مـخـدة

جيت اسألـه بالله قللـي ولـد ميـن***وبغى يجاوب وآختنـق صـوت ردة

أنــــا يتيـم ومـا لدربـي عنـاويـن***وجزر الحزن فينـي يسـاوي لمـدة

وطعم الطفولة ما عرفته لهـا لحيـن***وثوب السعادة صـرت مانيـب قـدة

ابكي إلى من شفت غيـري سعيديـن***ليـن البكـا فينـي يوصـل لحـدة

واقفى ورحت امسح دموعي من العين***وعيني تناظـر دمعتـه فـوق خـدة

وهـــذا اللي يجـرح القلـب جرحــــيـن***ويمد حبل الحـزن غصـب ويشـدة

صدقت القول اخ عبد الله مافي اصعب من اليتم

ولو نحكي ماراح نقدر نوصف الامه ومعاناة بالحياة من غير وجود الابوين

احن مخلوقات على ابنائهم

كلمات تدخل الحزن في القلوب الما لهاته الفئة وموقف لنا لنحمد الله على اننا تربينا مع ابوينا ولم نعاني ماعانو

بارك الله فيك

تقبل خالص ودي وتقديري

Spoiler:

» كلام من القلب